RAP for LIBYA
all you need in the hip hop world |
| | يمنع منعا باتا الاغاني التي يكون فيها سب للدول او سب للدين او اي الفاظ بذيئة | اكيد كلكم قاعدين تقولوا وين منتديات راب فور ليبيا وليش التسجيل مغلق وليش كل شي محذوف
....
مع ان المنتدى لاقى نجاح وكان النمبر ون في ليبيا
المنتدى هذا اغلق من ادارة المنتدى نفسه (DJ-S3lini)
يعني مانبش حد يقول المنتدى سرق ولا تعرض للهكر او القرصنة
السبب:
الشعب اللليبي مش متاع منتديات راب
كل من سجل في منتدى راب بقى يبي يغني ويحساب روحه اقوى رابر في العالم . المشكلة انه قاعد يدير في العار
يبقى يطلع في دسات يمين ويسار و ياريتهن حتى دسات نظيفة .. ههههه لا , كلهن سب دين وتفليم
ثاني شي . الناس بقت ماعندها الا المنتديات . 24 ساعة عليهن يكتبوا في مواضيع وردود علي الفاضي
نبي نعرف بس شنو استفادو من المشاكل الي داروهن
كل يوم واحد يكسب عدو علي النت ويطلع عليه تسجيلات (يسميهن دسات) علي اساس gangsters
ههه علي اساس حرب زنوج بين east side و west side
ماداروش حاجة مفيدة لبلادهم ولا لدينهم
_______________________
وهذي نصيحة مني لكل من حاول يقلد ويدير منتدى راب
سواء نجح او فشل
ياريت تغلقوهن وتفكونا من الوجيج متاعكم
بلا راب مبتدئين بلا كلام فاضي
قالك مشوار الميل يبدا بخطوة هههههه
خطوة لما تبقى فاهم شنو تدير يا بابا
و الرابرية الصح الي الراب ماشي معاهم هذوما الي ممكن يفيدونا يفيدو بلادهم ودينهم لو حاولوا
^^
viva هذوما
وفي الاخير سؤال مني لكل من يبي يغني راب : شنو حتستفيد ؟
تضيع وقتك ولا تكسب اعداء
ولا تخسر اصحاب
؟ هاها
يا اخي عدي صليلك ركعتين علي حالك
بدال منك قاعد تشري في مايكات و انت صوتك زي الحمار (حشا الرابرية الكويسين وهم عارفين ارواحهم)
DJ-S3lini
|
| |
|
